السلام عليكم ورحمة الله وبركاته
بما إنا داخلين على موسم الشتاء حبيت اعرض الكولكشن الشتوي لزهير مراد لعام 2009/ 2010

اعتمد زهير على اللون الأبيض والاسود في اغلب موديلاته ولكن كان ينوع بالأقمشه
يعني بعض الفساتين اللي راح استعرضها لكم فيها اكثر من نوع قماش بالفستان الواحد
وبذوقه الرفيع عرف شلون يختار الاقمشه ووين يحطها





الفستان من قماش التفته الناعمه اللامعه ومثل مانشوف فقط درابيه واضاف له بعض الكريستال الأسود مما زاده اناقه ومن فوق مثل مانشوف حركة طرزان الفستان رايق وموديله ناعم
ممكن ينلبس بحفل استقبال او زواج للي يفضلون يلبسون القصير
بس لو تنقشع هالورده يكون احسن




مثل مانشوف هنا ثلاث اقمشه الفستان عباره عن تل وقصصات دانتيل مركبه عالتل والفستان مبطن بالبيج وبالوسط شريطه مخمل وهاينك دانتيل مرتخي ماهو زانط العارضه تنوع بالاقمشه بذوق راقي لولا هاللي على يدين العارضه كنها حقت ملاكمه الفستان حلو ويناسب جميع كل الأعمار بنت والا حرمه ام عيال



الفستان كله دانتيل أبيض ومن فوقه تل واقف ابيض والمخمل عالبطن والكتف حركه رايقه
وحلوه حركة التل على الكتف كسر القاعده






من تحت قماش لاميه استخدم قصه حلوه وكأنها لف وهي فقط درابيه وفتحه بالنص
ومن البطن الشريطه المخمل ومن فوق شغل بالأبيض وكم ايه وكم لا وهي هالحركه دارجه عند كل المصممين هالسنه والسنه الماضيه




هنا نشوف قماش تفته على قصة السمه وشكه بالاسود مثل الدناديش بشكل تدريجي كثير من فوق ومتناثر من تحت فستان فخم بمعنى الكلمه حلو يكون لأخت العروس والا المعرس عجبني كثير وأفكر اسوي مثله





فستان اسود شيفون قصه ناعمه من الصدر مع شك بالأبيض والفضي فستان رايق

فستان منفوش من الفرو والتل من الصدر مشغول بالأبيض والشريطه المخمل عالبطن
فستان حلو لكن ما افكر اسويه بيوم لأن شوفته تغني عن لبسه




فستان وش اقول بس؟ خرافي تصميم مجنون الفيونكه الكبيره اللي ماخذه الشكل الطولي كسر فيها القاعده والا الكم الضيق المشكوك وحركة الكتف تصميم مميز وكلش
ينلبس بزواج حلو مررررره




فستان ناعم عباره عن شيفون وكله درابيه خفيف مره وشريطه حرير وحركة الاكمام رايقه
فستان ناعم وحلو وكلش حلو لكل يناسب كل الزواجات سواء اقارب والا معارف





نشوف هنا الشيفون الأبيض والدرابيه الناعم والموديله كله فوق من البطن الكريستال الفضي على شكل احزمه وحركة الاكمام والنفخه اللي فيه حلوه تناسب البنات اللي كتوفهم مش عريضه ونحيفه.. فستان رايق وحلو ممكن ينلبس بحفل استقبال او زواج
تناسب البنات اللي اكتافهم مش عريضه ونحيفه