السلام عليكم ورحمة الله وبركاته

ازيكم يا بنات منتدي فتكات النهاردة جبتلكم قائمة بالحاجات اللي هتجيبيها في الجهاز بتاعك وممكن تضيفي عليها حاجات لو حبيتي
طبعا انا عارفة الجهاز مشكلة ويارب اقدر بالقائمة دي اني اساهم في حل هذه المشكلة
واللى افتكرت حاجات انا نسيتها تكتبها
الموضوع مفتوح للجميع

قائمة المفروشات

2مفرش للسرير ( شتوى زى البشكير كده - صيفي )
عشان يتفرشوا فوق الملايات
15 ملايات بأكياس مخداتهم واكياس خددياتهم
2-4 طقم ملايه سرير ( زي الستان كده ومشغولين من على جنب واحد )
طقم مفرش السرير الرئيسي اللى هيتفرش اول كام يوم وأنت عروسه
4 لحاف فايبر
4 كوفيرته
4 بطانية ( يفضل تكون دبل )
طقم مفارش للتسريحه والكمودنات
مفارش بلاستيك تتفرش تحت الهدوم فى الدولاب
--------------
2 مفرش للسفرة ( واحد غالي - وواحد متوسط لللاكل والضيوف ويفضل ان يكون مشمع )
وممكن تجيبي واحد غالي وواحد مشغول زي الكوريشيه وتحطي عليه واحد مشمع شفاف للاكل

--------------
2 مفرش لترابيزات الصالون والليفنج ( بعد شراء الاثاث لتوافق الالوان )
ولو فى ترابيزات اركان يبقى اعملوا حسابكم فى مفارشها
ولو فى مكتبه تعملوا حسابكم تجيبوا مفارش بعدد الرفوف اللي فيها
ورفوف المطبخ المفتوحه كمان

--------------
طقم فرش الحمام ( بعد ماتجيبي سيراميك الحمام والصحى عشان اللون يليق عليهم )
2 قطعه للتواليت
قطعه امام الحوض
ستارة البانيو والشباك
جردل الغسيل لازم يكون مفرغ او مخرم عشان الهدوم ماتعملش ريحه جواه
باسكت زباله للحمام
صبانة وعلبه لفرش الاسنان والمعجون

واللي تحب تضيف حاجة او تحذف حاجة ما فيش مشكلة
ويارب الموضوع يعجبكم