السلام عليكم ورحمة الله وبركاته
انا عارفة طبعا ان كتير منكم بيحب المكرونة البشاميل وليها كذا طريقة انا بعملها بطريقة الحمد لله بشهادة ناس كتير بيقولو تحفة تعالو وشوفو عماتها ازاى وفى الاخر هوريكو صورتها قبل الفرن وبعد الفرن 0
1-اول حاجة طبعا نسلق المكرونة القلم ونحت فى الميه زيت وملح وياريت يكون سوها معقول يعنى مش مهرية .
2- اعصج اللحمة المفرومة- نقطع البصل ونحت علية السمنة وعلى النار ومنسبوش لما يحمر يعنى يدبل ونحت علية اللحمة المفرومة ونقلب لحد لما تغير لونها ونحت عليها صلصة طماطم او ثمرة طماطم مبشورة ونسبهم على النار يستو مع بعض على فكرة هى بتستو بسرعة .
3- البشاميل ودة اهم حاجة بالنسبة لعمل صنية متوسطة 2معلقة سمنة محترمين يسيحو على النار ثم نضع عليهم 4 أو 5 ملاعق دقيق ونقلبهم مع بعض وبعدين نحت عليهم نصف كيلو لبن مرة واحدة وتقلبى على طول وممكن تقلبى بمضرب سلك علشان ميقلكعش حتى يصبح قوامة زى الكريمة ويعمل فقعات هواء بعد كدة احت عليه شوية قشطة من على وش اللبن واقلبها معاه واشيلها من على النار .
تعالو نرص الصينية
نجيب صنية متوسطة وندهنها سمن ثم نضع قليل من البشاميل ونجيب المكرونة ونضع عليها كمية من البشاميل ونقلبها ونضع نصفها فى الصينية ثم نضع عليها اللحمة المتعصجة ونضع الجزء الاخر من المكرونة عليها وبعد كدة نضع البشاميل على الصينية ونضع على الوش شوية لبن بدل البيض وده شكلها قبل ما تستوى
ودة بقى شكلها لما استوت ويارب تعجبكو (اهم شى القشطة اللى فى البشاميل)